Forberedingar...

Tida suser og med tida kjem bekymringar for ikkje å rekka alt som må ordnast før avreise. Eg (frk. Kopperud) arbeidar kvar dag og vel så det, i Åsane og i Os, så bussen er min ven! Og no startar flyttekaoset sånn smått..

 

Innimellom klarar eg likevel å få gjort det mest naudsynte:

• skriva lister -pakkeliste (i ulike kategoriar!), ting-å-ordna-før-eg-drar-liste, ting-å-sjå-på-reisa-liste
• har skaffa meg reserve-bankkort
• er i full opplæring av linsebruk -slik at eg kan sjå også under vatn..!
• gått rundt med den store backpacken på ryggen for å få den rette feelingen
• har låna ein haug med relevante reisebøker og filmar på biblioteket
• svitsjar flittig innom travel-chanel når eg er heime
• forberedar meg til bikini-sesongen ved å gå i bikini med jamne mellomrom
• og ikkje minst, tek eg meg tid til å gle meg til dette:

I boks.

Ting byrjar sakte, men sikkert å falla på plass. Til dømes har eg teke halvparten av mine vaksiner. Med bonus – det vil seie påfylgjande feber. No skal eg i alle fall ikkje få rabies.

I boks:

Elles nyttar eg venteperioden til å arbeida på Statens Kartverk i Hardanger

Lofthus:

 

og så går dagane med til å grunna på livets viktige spørsmål:

- kor mange adaptere ska ein ha med på tur?

- skal ein kjøpa billige eller dyre malariatabletter, treng ein dei i det heile?

- skal ein planlegga alt på førehand eller ta det som det kjem?

uansett, som ein seie i ein av våre favorittfilmar ”Into the Wild”

“The core of mans' spirit comes from new experiences”